IYALI: Amfani kokwamba 7 ga lafiyar jikin iyali

Daga Aisha Aliyu Shanono

Kokwamba na daya daga cikin kayan marmari, rabin ta duk ruwa ne Kuma tana dauke da vitamin A,B,C a cikin ta.

Ga kadan daga cikin amfaninta ga lafiyar jiki da kuma abubuwan da za a iya amfani da ita a yau da kullum:-

1. Warwar gajiyan jiki : Kokwamba na warwar gajiyan jiki dana gabobi, ana so idan mutum yayi aiki ya gaji ya samu kokwamba ya yayyanka yaci tana saukar da gajiya sosai.
2. Yawan cin kokwamba na kara lafiyar kwakwalwa.
3. Wanke kwanukan da suka yi tsatsa da kokwamba nasa suyi haske kuma su fita tsaf
4. Daura kokwamba a fatar idon na tsotse rubabun kitse ya kuma fitar da datti
5. Saka kokwamba a kasan harshe akalla na tsawon miti 2 yana dauke warin baki da kuma magance cututtukan dake cikin bakin
6. Kokwamba na dauke duk wata kura dake mamaye gilashi ko madubi
7. Kokwamba na inganta lafiyar koda wannan ruwan na jikinta yana taimakawa wajan wanke cututtukan dake tare da ita.

Sai mun hadu a maudu’i na gaba tare da ni yar’uwar ku Aisha Aliyu Shanono