Dubai ta karrama dan Nigeria dreban tazi da ya tsinci miliyan 12 ya mayarwa mai shi

Daga Muryoyi

Hadaddiyar daular Larabawa ta karrama wani dan Nigeria dreban tazi da shaidar yabo ta girmamawa sakamakon ya mayar da Naira miliyan 12 da ya tsinta a motarsa,

Muryoyi ta ruwaito Abraham ya tsinci Darhami 100,000, (kwatankwacin Naira miliyan 12 a kudin Nigeria) da wani fasinja da ya dauka ya mance dashi a motar.

Dreban tazi din mai suna Abraham Airaodion yana aiki ne da rukunin motocin haya na Sharjah Taxi Cooperation kuma sun bashi satifiket na “amintacce” a ranar Litinin 13, ga watan Disamba 2021.