Wani babban Malami a Kano ya rasu a hadarin mota a hanyar Kaduna 

Daga Muryoyi

Allah ya yiwa Sheikh Mas’ud Hotoro, ɗaya daga cikin Malaman da suka yi muƙabala da Sheikh Abdul-jabbar Nasiru Kabara rasuwa a sanadiyyar hadarin mota.

Daraktan harkokin addini na jihar Kaduna Malam Jamilu Albanin Samaru Zaria da wasu Malamai a Kano sun tabbatar da faruwar lamarin,

Muryoyi ta ruwaito Shehun Malamin ya gamu da ajalinsa ne a sakamkon hadarin mota a hanyar Kaduna zuwa Kano da sanyin safiyar yau Alhamis.

Shehin malamin dai babban masanin Kur’ani ne, kuma ya shahara musamman ga mabiyar darikar Kadiriyyah kuma yakan gabatar da karattukan addini da-dama a Kano, sannan shine ya wakilci kadiriyya a wajen mukabalar.

Malam Mas’ud Mas’ud Hotoro daga ɓangaren ɗariƙar Ƙadiriyya kuma tsohon ɗalibin Sheikh Abduljabbar an fafata dashi sosai a wajen mukabalar