DA DUMI-DUMI: Hukumar hana fataucin miyagun kwayoyi NDLEA ta sa akamo mata DCP Abba Kyari ruwa a jallo

Daga Muryoyi

Hukumar hana sha da fataucin miyagun kwayoyi ta kasa NDLEA na neman babban Jami’in dan sandan Najeriya DCP Abba Kyari ruwa a jallo

Kodayake dai babu cikakken bayani amma Kakakin shugaban hukumar NDLEA ta kasa Mahmud Isa Yola ne ya wallafa a shafinsa na Facebook cewa “Hukumar NDLEA tana neman DCP Abba Kyari ruwa a jallo”

Lamarin ya yamutsa hazo inda jama’a ke ta neman karin bayani sai dai duk yunkurin da Muryoyi tayi domin jin karin bayani abun ya faskara

Binciken Muryoyi ya gano ana zargin DCP Abba ne da laifuka da suka shafi miyagun kwayoyi